Kryeministri Edi Rama me anë të një postimi në rrjetet sociale ka publikuar pamjet e Ekoparkut të Madh të Durrësit.
Sipas Ramës ky parko do të jetë një oaz i ri rekreativ i qytetit. Më tej kryeministri shkruan se në këtë zonë do të krijohen bare e restorante që do të shërbejnë që durrsakët të kalojnë fundjavën në këtë Ekopark.
“MIRËMËNGJES
dhe me këto pamje të kantierit të Ekoparkut të Madh të Durrësit që po merr formën përfundimtare, si një oaz i ri rekreativ i qytetit aty ku deri dje xhiroheshin kronikat më të zeza të mediave ndërkombëtare për bombën mjedisore, ndërsa së shpejti do të jetë një hapësirë e gjelbëruar, me kënde sportive, zona pushimi e parkimi, bare dhe restorante për të kaluar ditën bashkë me fëmijët, ju uroj një ditë të mbarë”, shkruan Rama.
Ekoparku i Madh në Durrës i ka ‘zënë vendin’ vatrës së plehrave në Porto Romano, ndërsa në këtë zonë do të ndërtohet edhe zona e re industriale dhe Parku i ri Fotovoltaik, me synimin për ta kthyer në një motor ekonomie jo vetëm për Durrësin.
Ekoparku do të ketë jo vetëm pedonalen, por do të ofrojë edhe një sërë facilitetesh e shërbimesh për të gjithë grupmoshat, nga fushat e sportit tek ambientet shplodhëse.
