Teksa ka mbërritur para Kuvendit, Sali Berisha është përballur me një turmë mbështetësish. Kjo e fundit drejtohej nga Sali Lushaj.

Berisha tha para nisjes së seancës se sfida kryesore e PD është rikthimi i sovranitetit të grabitru poshtërsisht nga marrëveshja Basha-Rama.

Kujtojmë se një ditë më parë Sali Berisha u përjashtua nga Grupi Parlamentar i PD nga Lulzim Basha. Ky vendim u përshëndet sot edhe nga SHBA-të.

“Sot nis beteja për shpëtimin e Partisë Demokratike, pazaret e Lulzim Bashës, Partia Demokratike do të dalë nga kjo betejë më e fortë se kurrë. Do ta shpëtojmë PD nga njeriu që ka shitur partinë e tij për interesa të flliqura. I vetmi që do marrë përgjigjen që meriton është njeriu që shet PD-në në pazare të fëlliqura me Edi Ramën. Lëvizja ime e radhës do jetë statutore për vendosjen e sovranitetit të PD. Emergjenca është kjo. PD do të rivendosë sovranitetin, legjitimitetin, statutshmërinë e saj, të grabitur poshtërsisht nga marrëveshja Rama-Basha,” tha Berisha.

I shoqëruar nga Edi Paloka, Tritan Shehu dhe Flamur Noka, Sali Berisha tha se nga sot nis beteja për të shpëtuar PD ndërsa bëri të ditur se lëvizja e tij e radhës do të jetë statutore.