Komuniteti shqiptar në Saskatchewan, Kanada pas më shumë se një viti ndërprerje aktivitetesh për shkak të pandemisë ka njoftuar se do të organizojnë një aktivitet madhështor me rastin e festë së 28 Nëntorit.
“Më 28 Nëntor, flamuri ynë do të valojë para ndërtesës së Asamblesë Legjislative.
Të nderuar bashkëkombas anë e kënd Saskatchewanit dhe më gjerë, jemi shumë afër Muajit të Trashëgimisë Shqiptare dhe festës së flamurit. Këtë vit, për herë të parë për nder të 28 Nëntorit dhe Nëntorit tonë në Saskatchewan, do të ngrisim me krenari para Kuvendit flamurin tonë mbarëkombëtar. Për këtë flamur dhe nën hijen e tij ,bijtë dhe bijat më të mira të kombit kanë flijuar jetët e tyre! Andaj ,është ky flamuri i lirisë që mishëron vlerat njerëzore dhe morale të kombit tonë, që pasqyron dinjitetin, shpirtin e pastër dhe nderin e kombit.
Dhe, ju bëjmë ftesë vëllazërore që me 28 Nëntor të bashkohemi të gjithë rreth flamurit!