Një gjykatë në Moskë ka dënuar dy blogerë me gati një vit burg pas publikimit të një fotoje ku stimulonin seks oral përballë Katedrales së Shën Vasilit pranë Kremlinit.
Sipas mediave vendase, Ruslan Bobiyev, një blogger nga Taxhikistani shkaktoi zemërim muajin e kaluar me foton e tij duke qëndruar përpara Shën Vasilit me të dashurën e tij, Anastasia Chistova duke simuluar seksin oral teksa kishte veshur një xhaketë policie.
Autoritetet e vendosën çiftin në arrest për 10 ditë dhe i gjobitën me 5000 rubla (50 dollarë). Gjykata urdhëroi gjithashtu dëbimin e Bobijevit në Taxhikistan. Ata u akuzuan më vonë për “fyerje të ndjenjave fetare”.
Gjykata e qarkut Tverskoy të Moskës të premten i shpalli Bobijev dhe Chistova fajtorë dhe i dënoi të dy me 10 muaj burg. Ata janë njerëzit e parë që dënohen me burg për “fyerje të ndjenjave fetare”, me të gjitha dënimet e mëparshme që kanë rezultuar në gjoba ose dënime me gjobë.
Rusia e kriminalizoi fyerjen e ndjenjave të besimtarëve fetarë në vitin 2013 pas performancës së grupit anti-Kremlin, Pussy Riot “Punk Prayer” në një katedrale qendrore të Moskës.