Me intensifikimin e paqëndrueshmërisë në marrëdhëniet ndërkombëtare, agjentët sekretë të fuqive të mëdha janë përfshirë në një luftë të hapur: Fusha e inovacionit teknologjik
Një vdekje e dyshuar në Berlin, një kinez i dënuar në SHBA dhe disa arrestime. Gjithçka tregon se loja e spiunëve po përhapet me shpejtësi. Fusha e re e konfliktit të fuqive të mëdha është fusha e inovacionit teknologjik.
Diplomati rus Kirill Zallo ka vdekur pasi ka rënë nga ballkoni i ambasadës së vendit të tij në Berlin. Më pas u bë e ditur se ai ishte djali i zëvendësdrejtorit të shërbimeve sekrete ruse FSB, i cili madje ishte përfshirë në vrasjen e rebelit çeçen Zelimhan Kangosvili në parkun e Tirgarden në kryeqytetin gjerman. Tetë spiunë të Moskës u dëbuan nga NATO, ku supozohej të ishin në ekipin negociator rus. Një kinez është dënuar në Ohio për vjedhje të sekreteve industriale.
Dikur, shkruan gazeta italiane “La Repubblica”, spiunët lëviznin në errësirë, por sot duke shfletuar gazetat lexojmë thuajse çdo ditë aventurat e tyre, duke konfirmuar edhe njëherë se shërbimet sekrete janë rikthyer sërish pasi paqëndrueshmëria në marrëdhëniet ndërkombëtare vazhdon të rritet, raporton abcnews.al
Yanjun Su nuk ecte i armatosur.Nga viti 2013 ai vazhdoi universitetin dhe shkoi në konferenca të shumta, ku gjeti njerëz që mund të rekrutonte. Ai i ftoi në Kinë për prezantime serioze akademike, me të gjitha shpenzimet e paguara si shenjë mirënjohjeje.
Aty po ndodhte diçka dhe mes premtimeve për shpërblimeve më të rëndësishme, lajkat e kushedi çfarë ofertash të tjera joshëse, duke i kthyer të ftuarit në informatorë. Në maj 2017, Su rekrutoi një inxhinier të General Electric, i cili i dha informacione të fshehta për motorët e avionëve të prodhuar nga kompania e tij, raporton abcnews.al
Ai i kërkoi atij më shumë informacion. Inxhinieri e ftoi në Belgjikë në prill 2019. Ajo që Su nuk dinte ishte se FBI kishte zbuluar gjithçka dhe e kishte detyruar inxhinierin të bashkëpunonte. Kështu kur Su mbërriti në Belgjikë, e priste një agjent i FBI-së. Një gjykatë federale e Cincinnati javën e kaluar dënoi Sue, me 60 vite burg.
Kjo është një nga historitë e shumta që konfirmojnë se spiunët janë rikthyer. Është e sigurt se ata luajnë një rol kritik jo vetëm në sfidat gjeopolitike mes SHBA-së dhe Kinës, por edhe në konfrontimet mes shumë shteteve.
Në vitet 1990, drejtori i atëhershëm i CIA-s Jim Wolsey kishte deklaruar se fronti i ri i spiunazhit ishte industrial, ekonomik dhe teknologjik. Kina është e bindur se mund të mposhtë SHBA-në si superfuqi duke vjedhur inovacione. Sipas një studimi të Nikolas Efthymiadis, profesor në Universitetin Penn State në Harrisburg, të paktën 475 raste të spiunazhit kinez janë raportuar në mbarë botën në 30 vitet e fundit, raporton abcnews.al
Nga këto, vetëm 22% përfshijnë aktivitete tradicionale, sepse Pekini beson se dominimi i ardhshëm në botë bazohet kryesisht në Inteligjencën Artificiale dhe superioritetin teknologjik, të cilin ai kërkon t’i fitojë duke vjedhur nga kundërshtarët çdo informacion të mundshëm. Më pas i përdor ato për të krijuar aftësitë e veta autonome.
Gjithashtu edhe Rusia i është rikthyer zakoneve të mëparshme atëherë kur Vladimir Putin ishte agjent i KGB-së, me helmimin e Alexander Litvinenkos dhe tentativat për helmim të Sergei Skripal dhe Alexei Navalny.
Megjithatë, Moska përdor shumë kompani digjitale, si ato për të ndikuar në zgjedhjet amerikane të 2016-ës apo edhe në zgjedhjet italiane, ndërkohë që nuk duhet harruar hakimi i Solar Winds dhe kompanive të tjera.
Mbetet për t’u parë pse agjenti i NSA Edward Snowden u strehua në Rusi pasi zbuloi operacionet digjitale të SHBA. Drejtori i CIA-s, William Burns formoi një ekip që identifikoi dhe vrau Osama bin Laden për të gjetur se çfarë fshihet pas Sindromës së Havanës, një çrregullim neurologjik që duket se prek diplomatët amerikanë në mbarë botën.
Në fakt pandemia e COVID ka ndezur një valë të re spiunazhi: shumë shërbime sekrete kanë kërkuar prej muajsh origjinën e virusit dhe se vendin se ku po zhvillohen vaksinat.
