Muaji Mars njihet si periudha kur nis Pranvera, me çeljen e luleve dhe në sfond si melodi çlodhëse vijnë cicërimat e pafundme të zoqjve të shumëllojshëm. E mes kësaj atmosfere, brenda këtij muaji, si qershia mbi tortë, vjen edhe festa e “Ditës Ndërkombëtare të Gruas “, e cila fillesat e saj i ka pikërisht në demonstratat qe nisën në qytetin e New York-ut. Në këtë datë festohet anembanë botës, dhe shërben si një ditë kujtese për përforcimin e rolit të gruas në shoqëri.
Komuniteti shqiptar në New York, shpesh herë organizon festa ku ftohen gratë shqiptare për të festuar këtë ditë të shenjtë . Në datën 5 Mars, organizata jofitimprurëse “Blue Angel Charity”, do te organizoje një mbrëmje gala “ A Foundraiser Gala Event”, ku do të gjeni një ambient të ngrohtë, me muzike shqiptare live, ku do të këndojë këngëtari i njohur Vedat Ademi, por nuk do mungoje edhe muzika e huaj.
Qëllimi i kësaj mbrëmje speciale, është në radhë të parë festimi i simbolikës se kësaj feste, por pa dyshim, edhe për të ndihmuar një nënë shqiptare e cila jeton në New York, dhe që aktualisht është e sëmurë me kancer. Kjo heroinë, që po përballet ne këtë betejë me sëmundjen e keqe, ka 2 fëmijë të mitur dhe është e divorcuar. Ndaj nevoja për tu përballur me këtë sëmundje është e madhe, jo vetëm fizikisht por edhe në aspektin financiar, pasi trajtimet e saj janë të kushtueshme. Shqiptarët e diasporës e dinë më së miri rëndësinë e të qenit të bashkuar në ditë të mira dhe të këqija me njëri-tjetrin dhe shembujt janë të shumtë. Nuk duhet të harrojmë se ne kemi ardhur në këtë botë me asgjë, ne do të shkojmë me asgjë, por një gjë e madhe që ne mund të arrijmë në jetën tonë të bukur është … Një kujtim i vogël në mendjen e dikujt dhe një vend i vogël në zemrën e dikujt.
Ndaj në këtë nate, kërkohet një pjesëmarrje sa më e madhe, për te mos ta lëmë një heroinë shqiptare të vetme në “errësirën” e të keqes, të cilën të gjithë së bashku mund ta largojmë një herë e përgjithmonë.
Të interesuarit që kërkojnë të marrin pjesë në këtë mbrëmje , mund të kontaktojnë në numrin e telefonit: 917 853 4004, adresa ku do të zhvillohet eventi është : The INN New Hyde Park , ora 18:30.
