Gazetarja Marina Ovsyannikova e cila u fut në studion e lajmeve të një televizioni rus me një pankartë ku bënte thirrje kundër luftës, është punësuar nga një media gjermane.
Sipas BBC, gazeta Die Welt e punësoi gazetaren pasi ajo u pushua nga puna nga media “Channel One’s Vremya”.
Ajo do të punojë në Rusi si korrespondente e medias gjermane dhe do të raportojë për luftën në Ukrainë.
Në një deklaratë, Ovsyannikova tregon se e pranoi punën e re pasi ajo beson në kauzën e fortë për të cilën Ukraina po lufton, për lirinë.
Gjatë muajit mars, gazetarja u fut në studion e medias ruse teksa po transportonte lajmet. Ajo mbante një pankartë në duar ku shkruhej: Jo luftës, ndalojeni luftën, mos i besoni propagandës, këta këtu po ju gënjejnë.
Menjëherë pas kësaj ngjarje, ajo u arrestua nga policia dhe u mbajt në komisariat për të paktën 14 orë. Më pas, ajo u gjobit me një shumë prej 280 dollarësh.
