Avioni special i Vladimir Putinit ‘Doomsday’ është parë duke fluturuar rreth Moskës ditët e fundit. Një video e postuar në media tregon momentin e fluturimit të avionit, raporton DailyMail.
Zyrtarët rusë kanë këmbëngulur se avioni do të shfaqet në paradën vjetore të Ditës së Fitores në Sheshin e Kuq dhe është i përfshirë në ‘prova’ për shfaqjen.
Avioni gjigant i epokës sovjetike , pa dritare përveç kabinës dhe i njohur si “Kremlini Fluturues” nuk është parë në një përkujtimore të Ditës së Fitores duke shënuar humbjen e Hitlerit dhe fundin e Luftës së Dytë Botërore që nga viti 2010.
Mësohet se rusët do të angazhojnë në Paradën e 9 Majit edhe avionin Ilyushin Il-80, i cili shërben si një bazë koordinimi të luftimeve në ajër në rastet e një lufte bërthamore.
Ai është projektuar që t’i rezistojë radioaktivitetit si edhe të qendrojë për orë të tëra në ajër duke mbajtur aty drejtues të shtetit dhe ushtrisë ruse në rastet e një lufte bërthamore.
Ai do të shfaqet në qiell pas 12 vitesh dhe shihet si një kërcënim i drejtpërdrejtë i Rusisë ndaj Perëndimit.
Rishfaqja e tij është një shenjë që Putin dëshiron t’i dërgojë një mesazh paralajmërues Perëndimit.
Il-80 Maxdome do të shoqërohet nga dy MiG-29 ndërsa fluturon ulët mbi Katedralen e Shën Vasilit
