Ndërkohë që lufta është në ditën e 98-të. Zyra e prokurorit të përgjithshëm ukrainas sot në Ditën e Fëmijëve në Ukrainë ka thënë se të paktën 243 fëmijë kanë vdekur dhe 446 të tjerë janë plagosur në Ukrainë që nga fillimi i pushtimit rus në shkurt.
Sipas CNN, në deklaratën e prokurorit thuhet gjithashtu se përveç vdekjeve dhe viktimave, të paktën 1937 institucione arsimore në Ukrainë janë dëmtuar, 181 prej tyre janë shkatërruar plotësisht.
Shifrat nuk janë “përfundimtare” pasi ato nuk përfshijnë viktimat në vendet që janë akoma të rrethuara nga forcat ruse. Gjithashtu të mërkurën, UNICEF tha se 3 milionë fëmijë ukrainas kanë nevojë për ndihmë humanitare brenda vendit, siç kanë më shumë se 2.2 milionë në vendet pritëse të refugjatëve.
Gati dy të tretat e fëmijëve janë zhvendosur nga konflikti, shtoi agjencia e OKB-së për fëmijë në një deklaratë.
“1 Qershori është Dita Ndërkombëtare për Mbrojtjen e Fëmijëve në Ukrainë dhe në mbarë rajonin. Në vend që të festojmë këtë rast, ne po i afrohemi solemnisht 3 qershorit dita e 100-të e një lufte që ka shkatërruar jetën e miliona fëmijëve. Pa një armëpushim urgjent dhe paqe të negociuar, fëmijët do të vazhdojnë të vuajnë dhe pasojat nga lufta do të ndikojnë tek fëmijët e cenueshëm në mbarë botën,”-tha në deklaratë drejtoresha ekzekutive e UNICEF-it, Catherine Russell.
