Një frut i lëngshëm dhe shumë veror si ananasi është bërë trend së fundmi në platformën TikTok, duke u dhënë mundësinë miliona njerëzve që të dinë kuptimin e vendosjejs së tij kokëposhtë.
Sipas New York Post, arsyeja që ananasi vendoset me kokëposhtë duket se ka marrë një rëndësi të veçantë me kalimin e viteve për komunitetin e swingers. Një TikTokers zbuloi kuptimin e fshehur të frutit të shijshëm, i cili nëse vendoset me kokë poshtë në mënyrë diskrete tregon gatishmërinë e një çifti për të zgjeruar horizontet e tyre të dashurisë duke shkëmbyer partnerë dhe eksperimente të tjera seksuale.
Sipas artikullit të gazetës amerikane, personat me humor të ngritur erotik ngjitin postera me ananas të përmbysur në dyert e akomodimit të tyre (ose në kabinat e tyre, nëse janë në lundrim) për të informuar në mënyrë diskrete çiftet e tjera se janë të hapur ndaj idesë së shkëmbimit të tyre në raportet seksuale. Disa përdorin edhe dyshekë pritjeje që i sjellin me vete në valixhe për të “përcjellë mesazhin”. Këto sigurisht zbukurohen me frutin “mëkatar” dhe vendosen të përmbysura në hyrje, duke mirëpritur ata që e kapin kuptimin dhe vijnë për veprim.
Hashtagu #UpsideDownPineapple (ananas me kokë poshtë) mblodhi mbi 138 milionë shikime që nga e mërkura e kaluar. Madje, disa nga klipet theksojnë se disa swingers përdorin ananas të vërtetë jashtë dyerve të Airbnb-së që marrin me qira, si simbole për preferencat e tyre seksuale.
“Disponimi i dashurisë i njerëzve shpërthen gjatë festave,” tha John Camus, CEO i Cruise Ship Mingle, duke theksuar se i ka lënë përshtypje numri i çifteve që kanë adoptuar së fundmi këtë mënyrë komunikimi sekret.
Përveç posterave, qilimave dhe frutave të vërteta, ka mënyra më diskrete për të përdorur simbolin, si distinktivë apo edhe vathë me ananas të vegjël të përmbysur.
“Më thuaj se je një swinger pa më thënë se je një swinger,” shkroi një TikToker në mbishkrimin e një videoje virale që tregonte atë duke e kthyer përmbys vathin e saj të ananasit.
Nuk është e qartë saktësisht se kur dhe si ky frut i veçantë evoluoi në një simbol të tillë. Sipas ekspertëve popullariteti i përdorimit të simbolit tregoi një rritje të ndjeshme në vitet ’90 në komunitetin e “tifozëve” të shkëmbimit të partnerëve.
Edhe pse ka shumë “mënyra sekrete” për të treguar se jeni një swingers (si një degëz e gjeniut të bimës, ose një unazë e zezë në dorën tuaj të djathtë), ananasi me kokë poshtë është padyshim simboli më në modë për momentin, falë TikTok.
