75-vjeçarja nga Anglia Jacqueline McGrew është sulmuar rëndë nga një qen i racës “Pitbull” teksa po shkonte për të vizituar fqinjin e saj. E moshuara ka rrëfyer për “The Mirror” përjetimet në momentin e sulmit.

“Mendova se do të vdisja. Isha e mbuluar me gjak. E ndjeja qenin duke më kafshuar kokën, duke më kafshuar deri në kafkë. Pastaj më sulmoi në hundë. Unë bërtisja nga dhimbja. Duke përpjekur ta largoja qenin nga vetja, më kafshoi edhe krahun.”

Jacqueline kishte dalë për të vizituar fqinjin dhe për t’i paguar disa ushqime për macen që fqinji i saj David Gorton kishte blerë për të.

“Nuk e dija që qeni ishte jashtë në kopsht. Sapo po mbyllja portën, ai u hodh mbi mua. David duhet të më ketë dëgjuar duke bërtitur sepse ai doli me nxitim dhe u hodh mbi të”

Jacqueline u dërgua në spital nga një ndihmës mjek që jetonte aty pranë. Një shenjë paralajmëruese në portën e pronarit thoshte “Kujdes nga qentë”.

Por 75-vjeçarja tha: Është mirë të kesh shenja paralajmëruese, por qeni duhet të lidhet me zinxhirë.

E moshuara ndodhet në spital prej shtatë ditë që nga sulmi, jashtë rrezikut për jetën.