Ersida Dyrmishi, e cila rezultonte e zhdukur prej disa ditësh, është gjetur. 30-vjeçarja ka deklaruar se është mbajtur peng nga Marjus Musaku në një hotel në Durrës dhe sipas denoncimit të saj i riu e ka përdhunuar nën kërcënimin e një thike dhe duke e kanosur për jetën e familjarëve të saj.
Marjus Musku, burri që mori peng Ersida Dyrmishin ka thënë se 30-vjeçarja nga Durrësi shkoi vetë te ai.
Ai pretendon se e çoi vetë 30-vjeçaren në Komisariat.
“Erdhi me dëshirën e saj. Nuk e kam marrë forcërisht, po erdhi me dëshirën e saj. Po ta kisha marrë me forcë nuk do ta sillja vetë në komisariat. Kemi njohje me njeri tjetrin”, tha Marjus Musaj.
Ndërsa bashkëshorti i saj në një prononcim për News 24 ka treguar se 30-vjeçarja ndodhet në banesë në gjendje të mirë shëndetësore, por nuk ka pranuar të japë më shumë detaje.
