Një aksident i rëndë me pasojë vdekje ka ndodhur këtë të enjte në rrugën Rrogozhinë-Elbasan, afër “Bishtit të Zhurit”.

Një makinë tip “Benz” është përplasur me një kamion.

Shoferi dhe pasagjeri që ndodheshin në Benz kanë humbur jetën nga përplasja fatale.

Aktualisht trupat e pajetë të dy viktimave ndodhen në makinë, pasi nuk janë nxjerrë ende nga “Benzi”.

Nga pamjet e siguruara nga Abc duket se përplasja ka qenë aq e fortë, sa që makina ka përfunduar poshtë kamionit.

Njoftimi i policisë

Më datë 04.08.2022, në vendin e quajtur “Bishti i Zhurit”, një mjet kamion me drejtues shtetasin I. C., është përplasur me një mjet tip “Benz” me drejtues ende të paidentifikuar.

Si pasojë e aksidentit, dyshohet se mund të kenë humbur jetën dy persona.

Grupi hetimor ndodhet në vendngjarje dhe po punon për sqarimin e rrethanave të aksidentit.