Kryeministri Edi Rama dhe zv.kryeministrja Belinda Balluku po prezantojnë masat për krizën e energjisë.

Sipas Ramës, konsumatorët familjarë dhe bizneset e vogla do vijojnë të mbrohen nga rritje e çmimit të energjisë.

Rama shtoi se kush familje harxhon më shumë se 800 kilovator, çdo kWh do ta paguaj energjinë me çmimin e tregut pa përfituar nga mbrojtja.

“Kjo është arsye themelore pse kemi inflacionin më të ulët në rajon. Edhe më të arsyeshëm se në të gjithë eurozonën. Do sillte në zinxhirë rritjen e çmimeve të tjera. Ka një “POR” shumë të madhe. Se kemi mbi 90% konsumatorë familjarë që konsumojnë më pak se 800 kilovator. Dhe kemi një numër tjetër pra rreth 6-7% që konsumojnë më shumë se 800 kilovat. Bëhet fjalë për persona me vila, pishina, ndriçim dekorativ. Mendojmë se ka ardhur koha se nuk mund të paguaj më buxheti dhe taksat e zakonshëm. Çdo kilovat mbi 800 do paguhet me çmimin e tregut.” Tha Rama.

“Synojmë për të ulur konsumin e tepërt në kushte krize” u shpreh Rama.