Kryeministri Edi Rama thotë se gjuha shqipe është më e kërcënuar se kurrë dhe kjo për shkak të avancimit të teknologjisë. Në fjalën e tij në “Kongresin e Arsimit”, kreu i qeverisë shqiptare u shpreh se tashmë është koha që gjuha shqipe të futet në çdo nivel të arsimit shqiptar.
“Është koha për ta diskutuar futjen e gjuhës shqipe në cdo nivel të arsimimit. Është gjë e madhe dhe kërkojmë në vazhdimësi të dimë sa të aftë janë të rinjtë dhe të rejat të dinë të flasin anglisht. Por është realisht një mangësi që nuk kemi të njëjtin sistem për gjuhën tonë amtare që e marrim si të mirëqene. Pasi mësojnë fëmijët tanë të mësojnë dhe të shkruajnë shqip”, tha ndër të tjera kryeministri.
Teksa Rama tregoi si mund të mbrohet gjuha shqipe nga faktore te shumte qe e kercenojne deklaroi se mbrojtja e gjuhës shqipe dhe arsimimi me standardet më të mira bashkëkohore është mjeti më i fuqishëm për të siguruar vazhdimësinë në rrugën e prosperitetit.
“Shumë kush mund të pyesë, nga se do ta mbrojmë gjuhën shqipe? Përgjigja është e thjeshtë: Mjafton të harxhojë secili një orë për të lundruar në kanalet e informacionit që të shikojë se cfarë ndodh me gjuhën shqipe. Cfarë ndodh me shenjat e pikësimit, cfarë ndodh me pikat mbi ë, cfarë ndodh me formulimin e fjalës dhe me ortografinë në përgjithësi
Ndërsa brezi i ri përfshihet në një shpejtësi marramendëse në rrugën e komunikimit përmes telefonave, PC gjuha është më e rrezikuara dhe nga ana tjetër kjo nuk i ndodh vetëm gjuhës sonë, por të gjitha gjuhëve që janë nën këtë presin të madh, të konsumit të fjalëve për të komunikuar në një moment kur distanca është zëruar dhe shpejtësia bëhet më marramendëse
Na takon të gjejmë mënyra dhe të kërkojmë përmes një dialogu të gjerë mes nesh, rrugë për ta forcuar pozicionin e gjuhës shqipe në këtë kaos gjuhësor dhe komunikativ ku është përfshirë gjithë bota dhe ne jemi thellësisht të përfshirë”, theksoi Rama.
“Libri bëhet gjithnjë e më i huaj dhe rrugët e komunikimit bëhen gjithmonë e më kaotike. Ajo që është pak mbase, por shumë e sigurt është se sot ne kemi më shumë nevojë për të bashkuar mendjen tona përtej kufijve të Shqipërisë në të gjithë hapësirat ku flitet shqip.
Është shumë e rëndësishme që ky bashkim mendjesh të na japë më shumë të kuptojmë dhe më shumë të gjejmë dhe cfarë duhet të vendosim për të nesërmen, pa e neglizhuar në asnjë moment. Kërcënimi ndaj gjuhës është më i madh se asnjëherë tjetër dhe cdo ditë e rrit këtë kërcënim dhe se forcat që e kërcënojnë gjuhën janë të atilla që për nga përmasat që ushtrojnë presion duken të pathyeshme”.
