Ajo po rritej. Dhe më pas, më 22 korrik 1939, në moshën 13-vjeçare ra në dashuri.

Djaloshi që admironte ishte 5 vjet më i madh se ajo, me flokë të hapur, më tepër si një viking, me fytyrë të mprehtë dhe sy të kaltër.

Ai ishte Princi Filip i Greqisë dhe Danimarkës.

Familja mbretërore ishte për një vizitë në Kolegjin Mbretëror Detar në Dartmouth dhe kadeti i ri detar u vu në krye të argëtimit të princeshave, ndërsa babai i tyre kryente një inspektim.

Pasi luajti me to dhe hëngri biskota me xhenxhefil, Princi energjik i sugjeroi që ta shikonin në fushën e tenisit.

Atje ai u shfaq duke u hedhur mbi rrjetë dhe Crawfie i tha Elizabeth: Ai nuk i hoqi sytë nga ty gjatë gjithë kohës.

Princesha e re më vonë u mrekullua me Princin: Sa i mirë është ai Crawfie. Sa lart mund të kërcejë.

Elizabeth më vonë e konfirmoi se kishte qenë e dashuruar me Filipin që nga takimi i tyre i parë.

Pasi u shpall lufta dhe Filipi filloi shërbimin e tij detar, gjatë kohës së luftës ai dhe Elizabeth i shkrojtën letra njëri-tjetrit dhe Filipi e kaloi kohën e tij me leje me familjen mbretërore.

Elizabeth dhe Margaret kishin qenë në një shërbim në kishën Crathie pranë Balmoral kur kryeministri Neville Chamberlain njoftoi më 3 shtator 1939, se Britania ishte në luftë me Gjermaninë.

Pas Krishtlindjes, Elizabeth dhe Marget u zhvendosën në Windsor, i cili konsiderohej një vend më i sigurt se Londra.

Gjatë rrjedhës së vitit 1940, ndërsa lufta u përshkallëzua, Mbreti dhe Mbretëresha ishin shpesh në Windsor, duke kaluar netët në kështjellë.

Në shtator të vitit 1942 Mbretëresha  i shkruante Crawfie-t se ai ishte “The One”.

Filipi i kaloi Krishtlindjet e vitit 1943 në Windsor. Crawfie mendoi se Elizabeth 17-vjeçare “shkëlqeu” gjatë vizitës së tij siç nuk kishte bërë kurrë më parë.

Por prindërit e saj ende nuk e morën seriozisht. Në mars 1944, Mbreti i shkroi nënës së tij se Elizabeth ishte “shumë e re për këtë tani”.

Muajin pasues, Princesha mbushi 18 vjeç dhe dëshironte që të lejohej të kryente punë lufte siç po bënin shumë nga miqtë e saj.

Por Xhorxhi VI e konsideroi stërvitjen e Elizabetës për kurorën si më të rëndësishme se çdo rol të mundshëm në shërbimin e zakonshëm kombëtar.

Megjithatë, më në fund në mars 1945 Mbreti iu nënshtrua lutjeve të së bijës.

Por vetëm disa javë pas ditëlindjes së 19-të të Elizabeth, karriera e saj në ATS mori fund kur Britania festoi fitoren në Evropë.