Pavarësisht problemeve të shkaktuara nga pandemia COVID-19 programi amerikan DV lottery nuk është ndërprerë. Janë mijëra qytetarë në mbarë botën të cilët kanë aplikuar gjatë vitit pandemik për të përfituar një nga 50 mijë vizat e programit amerikan të emigrimit të cilët presin shpalljen e fituesve. Ndonëse Ambasada amerikane në Shqipëri nuk ka publikuar ende një njoftim zyrtar për datën e saktë, në faqen zyrtare të lotarisë amerikane shihet se data kur të gjithë aplikantët mund të kontrollojnë nëse janë të përzgjedhur është data 8 maj 2021.
Përzgjedhja e fituesve është rastësore përmes një shorti kompjuterik, ndërsa nuk ka asnjë tarifë për tu paguar.
Duke filluar nga 8 maj 2021, për të parë nëse janë përzgjedhur, të regjistruarit e DV-2022 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare të E-DV-së.
Gjithashtu në faqen zyrtare bëhet me dije se aplikuesit e një viti më parë kanë kohë të kontrollojnë statusin e tyre deri në 30 shtator 2021.
Në fazën e parë të programit përzgjidhen fitues 100 mijë njerëz, ndërsa janë vetëm 50 mijë vizat e programit të cilat u akordohen fituesve në fazën e dytë. Ndërsa në fazën e parë përzgjedhja është rastësore, në fazën e dytë shumë njerëz mund të skualifikohen nëse nuk përmbushin disa nga kushte baze të vendosura në program, sikurse është psh. arsimi i detyruar 12 vjeccar. Ndaj autoritetet këshillojnë që personat q ëkanë aplikuar dhe nuk janë shpallur fitues ne fazene apre, te rishikojnë here pas here statsuine tyre ne faqen e llotarise, pasi mund të shpallen fitues të fazës së parë.