Detaje të reja janë zbuluar nga një masakër e ndodhur dy ditë më parë në SHBA, ku një 19-vjeçar amerikan vrau me thikë dy gra. Sipas asaj që raportojnë mediat e huaja, dy viktimat ishin emigrante shqiptare.
Tashmë 19-vjeçari amerikan përballet me dy akuza për vrasje të shkallës së parë me thikë të dy grave shqiptare, të cilat policia thotë se ai i ndoqi në shtëpi dhe i sulmoi.
Sipas raporteve të nxjerra në mediat amerikane, detektivet sqarojnë se 19-vjeçari Sage Gayle Curry, nga Largo, Florida i ndoqi viktimat në shtëpinë e tyre pranë bllokut 1000 të “Eighth Avenue N” pasi i pa ato në publik, sipas Departamentit të Policisë Largo.
Sipas policisë, dhe u tha oficerëve që ai hyri në shtëpi përmes një dritareje dhe sulmoi dy gratë “me thikën më të mprehtë të kuzhinës që mundi të gjente” – një thikë kasapi – shkroi një oficer në një raport arrestimi.
Ai goditi disa herë viktimën e parë në gjoks ndërsa ajo flinte, tha policia. Gruaja e dytë u përpoq ta mbronte atë, duke e plagosur 19-vjeçarin para se ai ta godiste fatalisht disa herë në fytyrë dhe qafë.
Curry u largua nga shtëpia dhe i plagosur, kërkoi ndihmë nga fqinji i cili më pas thirri 911, tha policia.
Sulmi “besohet të jetë një veprim i rastësishëm”, tha policia e Largos në një deklaratë të lëshuar të martën, por “kjo mund të ndryshojë ndërsa hetimi vazhdon”.
Policia tha se 19-vjeçari “nuk ka asnjë lidhje të njohur” me gratë, por nuk tha se si u plagos. Ndërkohë që ende po hetohet se si ndodhi masakra.