Jo vetëm Shqipëria por edhe Maqedonia e Veriut po kërkon ekselentët dhe njerëzit e suksesshëm, të kontribuojnë me ide, plane dhe projekte për vendin.
Ministri i Punëve të Jashtme, Bujar Osmani në një konferencë për shtyp ka prezantuar të ashtuquajturën M-kartelë, e cila është një lloj letërnjoftimi që do iu shpërndahet kësaj kategorie njerëzish në diasporë.
“Ky rrjet do të menaxhohet nga Ministria e Jashtme, nga një trup koordinues që do të lehtësojë funksionimin e tyre, do të mundësojë që të kemi një rezervuar ekspertësh të cilët do të bëhen pjesë e vendimeve” tha ai.
Osmani theksoi se disa institucione në vend tashmë kanë e mbështetur ketë projekt, dhe sipas tij privilegjet për ata që do të posedojnë një kartelë të tillë nga diaspora, do të shtohen vazhdimisht.
“Do të mundësohet lehtësimi i hapjes së bizneseve, ndihmë financiare nga institucionet për investime që bartësit e kësaj karte do të kenë në Maqedoninë e Veriut. Ministria e Kulturës ka mundësuar hyrje të veçanta në institucione të kulturës.
Ministria e Arsimit gjithashtu mundëson qasje në sistemin arsimorë, të barabartë me njerëzit që jetojnë këtu, bile edhe me disa privilegje shtesë. Do të kenë prioritet edhe në projektet e MPJ” tha ai