Investitori miliarder, Marc Cuban, mësoi shumë gjëra në të 20-at e tij, të cilat ishin pikërisht ato që ndikuan në suksesin e tij. Një prej tyre është ajo e të qenët një dëgjues i mirë, për të cilën ai ka përdorur një teknikë të veçantë për vite më radhë. “Më pëlqen të flas dhe madje edhe t’i ndërpres të tjerët”, tha Cuban në intervistë televizive.
Kur Cuban ishte 22 vjeç, një mentor i tij vuri re gjithashtu natyrën e tij të të folurit shumë, dhe e nxiti atë të dëgjonte më shumë, veçanërisht gjatë takimeve të punës. “E kam marrë këtë zakon nga kolegji, por edhe aty kjo gjë nuk pëlqehej shumë” – vazhdoi më tej Cuban.
Një prej këshillave më të mira që kam marrë nga mentori im ka qenë: “Sa herë që shkon në një takim, dua që të kesh një bllok dhe pikërisht në minutën e parë që ulesh, dua të shkruash fjalën ‘Dëgjo’. Duhet ta bësh patjetër këtë gjë, sepse ti nuk dëgjon”.
Që prej asaj kohe e deri sot, Cuban, bën të njëjtën gjë përherë. “Dhe kjo është më se e vërtetë, sepse po të kontrolloni të gjitha axhendat e mia gjatë këtyre 40 viteve të fundit, një prej fjalëve që do ta hasni më shumë të shkruar aty është ‘Dëgjo’”, tha ai gjatë intervistës.
Aftësia për të dëgjuar në mënyrë efektive e ka ndihmuar atë të mësojë edhe më mirë, gjë që Cuban shpesh thotë se është çelësi i suksesit të tij.
Edhe pse këshilla për të dëgjuar të tjerët e ka ndihmuar Cuban gjatë gjithë karrierës, kjo nuk e shpëtoi atë nga të papriturat shpeshherë gjatë rrugëtimit të tij. Pasi u diplomua në Universitetin Indiana në vitin 1981, Kubani ose u largua vetë ose u pushua nga 3 vende pune radhazi.
Por kjo e bëri atë të ndërtonte kompaninë e tij të sistemeve kompjuterike, MicroSolutions, gjë që e bëri atë një milioner në vitin 1990, sepse ai e shiti kompaninë te CompuServe për 6 milionë dollarë. Pesë vjet më vonë, ai dhe një mik i tij, Todd Wagner, filluan Broadcast.com, i cili u ble nga Yahoo në 1999 për 5.7 miliardë dollarë amerikanë.
Sipas Forbes, pasuria e Kubanit vlen 4.4 miliardë dollarë amerikanë.