Delegacionet e Kosovës dhe Serbisë do të mblidhen ditën e sotme në Bruksel për të diskutuar mbi dialgun mes dy vendeve. Delegacioni i Kosovës i kryesuar nga zv/kryeministri i Kosovës Besnik Bislimi së bashku me delegacionin e Serbisë e kryesuar nga drejtori i të ashtuquajturës Zyra për Kosovën në Qeverinë e Serbisë, Petar Petkoviç do të zhvillojnë takime sot me të dërguarin e BE-së për dialogun Kosovë-Serbi, Miroslav Lajçak.

Ndërkohë që ditën e djeshme delegacionet zhvilluan takime të ndara me Lajçak dhe përfaqësues të tjerë evropian. Sipas zëdhënësit të BE-së, Peter Stano në takimin e sotëm do të diskutohen çështjet aktuale si dhe rrugën e vazhdimit të dialogut. Ai është shprehur se dy vendet duhet që të zbatojnë të gjitha marrëveshjet e arritura deri tani.

Raundi i fundit në nivel të lartë është zhvilluar më 19 korrik, por nuk arriti të kishte rezultate, madje përfundoi në akuza dhe kundër-akuza midis presidentit serb, Aleksandër Vuçiç dhe kryeministrit kosovar, Albin Kurti.