Detaje të reja janë mësuar nga aksidenti i rëndë që ndodhi në orët e para të mëngjesit të sotëm te kryqëzimi i “21 Dhjetorit” në kryeqytet.
Sipas abcnews, drejtuesi i automjetit “Citroen” Emirjan Doko ka qenë nën efektin e alkoolit dhe është futur në kryqëzim me semafor të kuq.
Në momentin e kontrollit të mjetit nga policia, Dokos i është gjetur edhe një armë zjarri tip pushkë.
Si pasojë e aksidentit ka ndërruar jetë shoferi i automjetit tjetër të përfshirë në aksident Luan Cenollari dhe pasagjeri tjetër Ali Bejo, 69 vjeç.
Fotot nga vendi i ngjarjes, tregojnë automjetet e shkatërruara nga përplasja e fortë. Tashmë grupi hetimor po punon për sqarimin e rrethanave të aksidentit.
