Teksa ditën e djeshme shefi i sigurisë shtetërore të Rusisë lëshoi një kërcënim të hapur drejt Britanisë së Madhe, sot të njëjtën gjë ka bërë dhe media shtetërore.

Të gjitha këto kërcënime vijnë pasi ministri britanik i mbrojtjes deklaroi në një postim në Twitter, se nëse Ukraina vendoste të sulmonte Rusinë do kishte mbështetjen e shtetit anglez.

Media shtetërore ruse i ka kërkuar Vladimir Putinit që të fshijë Mbretërinë e Bashkuar me armë bërthamore për shkak të mbështetjes së saj ‘të çuditshme’ për Ukrainën.  Vladimir Solovyov, i referuar shpesh si propaganduesi i Putinit, bëri kërcënimin sot teksa foli me kreun e agjencisë ruse të hapësirës për raketën e re Sarmat 2 të vendit, e cila do të hyjë në shërbim më vonë këtë vit.

“Siç doli, një Sarmat do të thotë minus një Britani e Madhe,” mburrej Solovyov, duke thënë se Mbretëria e Bashkuar është bërë “plotësisht e mërzitshme”, në një referencë për mbështetjen e saj të zëshme për Ukrainën që kur Putin dha urdhrin për të pushtuar./m.j